Harantzago begira | Mira más allá

Herentziak eta oinordetzak

Zuk jarrai dezakezu bidezkoagoa den mundu baten alde lanean. Nahiz eta mundu honetan ez izan, egunero pobrezia gainditzen ahalegintzen diren milaka pertsonak zure laguntza jaso dezakete. Lor ezazu zure borondateak haien bizitzetan aldaketa gehiago bultza ditzan, zure testamentuan PROYDE-PROEGA ipiniz.

Ez duzu ondare handirik izan behar hori egiteko, edozein ekarpen baliagarria izango baita gure proiektuak, zureak ere izango diren horiek, aurrera eramateko.

PROYDE-PROEGAren alde oinordetzan uztea eskuzabaltasun keinu bat da, konfiantza erakustaldi bat eta itxaropen mezu bat.

NOLA SAR GAITZAKEZU ZURE TESTAMENTUAN?

ONDASUNAK ESLEITZEA

Oinordetza baten bitartez PROYDE-PROEGAri ondasun jakin bat edo batzuk esleituz.

OINORDEKOAK

Nahitaezko oinordekorik ez baduzu, PROYDE-PROEGA oinordeko unibertsal izendatuz, eta ondasun, eskubide edota akzio guztiak entregatuz.

OINORDEKIDE

Zure ondasunak pertsona edo erakunde bati baino gehiagori banatu nahi badizkiozu, testamentuan esleitutako ehunekoa adieraziz.

ZERTAN BIHURTU DAITEKE ZURE OINORDETZA?

ESKOLAK

Zure dohaintza pobrezia- eta zaurgarritasun-egoeran dauden haurrei hezkuntzarako sarbidea errazteko baliagarria izan daiteke.

FORMAZIOA

Zure laguntzaren bidez, pertsona eta komunitate oro garatu ahal izateko ezinbestekoa den motorretik abiatzen gara, formaziotik.

LARRIALDIAK

Modu zehatzean komunitate eta pertsonei lagunduko diezu, premia handieneko uneetan beharko dutena eskainiz.

OHIKO GALDERAK

Pertsona edo erakunde bati edo gehiagori esleitzen zaizkien ondasun jakinak (dirua, ondasun higiezinak, bitxiak edo beste edozein ondasun).

Ondasun guztiak edo zatiren bat pertsona edo erakunde bati edo gehiagori esleitzea da, baina, kasu horretan, oinordekoak testamentutik eratorritako eskubide eta betebeharrak ere bereganatzen ditu.

Gomendagarriena notarioaren aurrean egitea da, erabateko balioa izan dezan eta idatzitakoak norberaren nahiak islatzen dituela ziurta ditzan. “Irekia” bada, nahi duzunean aldatu edo eguneratu ahal izango duzu.

Eskuz ere gutun bat idatz dezakezu (testamentu olografoa), baina momentuan datorkeenean eraginkorra izan dadin beharrezkoa da notario-izapide bat hastea zure sinadura egiaztatu eta azken testamentua dela ziurtatzeko.

Zure esleipena baliagarria izango da, PROYDE-PROEGAk aurrera eramango dituen proiektuak finantzatzeko, osorik edo zati batean. Gaur egun, munduko hainbat herrialdeetan garapenerako lankidetza-proiektuak, laguntza humanitarioak, bidezko merkataritzak, gizarte-mobilizazioa eta herritartasun global baterako hezkuntza.

Testamentua baimendu duen notarioak bere izendapenaren berri eman beharko die erakunde onuradunei, testamentugilearen heriotza jakiten duen unean. Albazeak ere jakinarazi ohi du, eta halakorik ez badago, gainerako oinordekoek jakinarazi behar dute. Hala ere, testamentua egin eta PROYDE-PROEGA fundazioa oinordeko edo ondare-hartzaile gisa utziz gero, testamentua egin ondoren guri jakinaraztea komeni da.

Legezko oinordekoak baldin badituzu, askatasunez erabil dezakezun zatia zure ondare osoaren herena da. Oinordekorik ez baduzu, kopuru hori %100ekoa da.